Një 26-vjeçar është arrestuar nga policia e Sarandës. Në pranga ka përfunduar Olzan Merkaj, ndërsa mbi të rëndojnë dy akuza: Kanosje dhe kundërshtim i forcave të policisë.
“Arrestimi i tij u bë në lagjen nr.3 Sarandë, pasi ky shtetas për motive të dobëta ka kanosur me jetë, shtetasen M.P., 25 vjeç, pranë banesës së saj, si dhe ka kundërshtuar 2 punonjës policie (Patrullë e Përgjithshme) gjatë shoqërimit të tij për në Komisariatin e Sarandës”, thuhet në komunikatën e policisë.
Të rinjtë kanë qenë në një lidhje dhe kohët e fundit gjërat nuk po shkonin mirë. Kështu Olzan ka shkuar tek shtëpia e 25-vjeçares dhe e ka kërcënuar, raporton “TvKlan”.
Por i riu nuk i është bindur edhe policisë. Ai ka kundërshtuar edhe dy punonjësit e patrullë së përgjithshme, pas denoncimit të bërë nga 25-vjeçarja.
