Ka qenë i pafat shqiptari 42 vjeçar i identifikuar si Arian Bashmeta, banues në Sanremo të Italisë. Ai kishte menduar një hile të zgjuar sipas tij, për t’ja hedhur Policisë, por është arrestuar pasi i janë gjetur 83 kg kanabis të fshehur në bodrum, me vlerë rreth 100 mijë euro.
Mediat italiane shkruajnë se ai i kishte hedhur deodorant ambientit, për të fshehur erën e rëndë të hashashit, por agjentët policorë e nxorën zbuluar.
Tashmë mbi të rëndojnë dy akuza. Sipas efektivëve, Bashmeta ishte rikthyer në mënyrë klandestine në vitin 2016 në Itali, pas kapjes dhe dëbimit në vendin e tij në 2015.
Duke përfituar nga statusi i rregullt i të shoqes, u kthye në Sanremo për t’i hyrë kultivimit të drogës. Në banesën e tij policia gjeti edhe sendet që ai përdorte për të kultivuar kanabis.
