Trajneri i West Ham Slaven Bilic e quan atë si gjënë më të mirë që i ka ndodhur klubit që prej Paolo Di Canio-s.
Pronari i West Ham, David Sullivan e rendit atë në një listë me legjenda si Trevor Brooking dhe Carlos Tevez, teksa tifozët e ekipit e cilësojnë si më të mirë se Zinedine Zidane.
Për Dimitri Payet, lëvdatat mund të duken pak të ekzagjeruar por askush nuk mërzitet, përderisa ai do të vazhdojë të trullosë mbrojtësit kundërshtarë në luftën për vendin e katërt historik.
Të shtunën, Everton ishin viktima e fundit e Payet, teksa West Ham arriti një fitore spektakolare që e çon në vendin e pestë të tabelës.
Pasi u transferua nga Marseille gjatë verës së kaluar, Payet ka shënuar tetë gola dhe ka krijuar 81 raste për gol, 35 më shumë se Leo Messi gjatë këtij sezoni.
“Unë mendoj se anglezët e preferojnë shumë këtë lloj lojtari,” thotë Rene Girard, ish-trajenri i Lille dhe Montpellier i cili e thërriti Payet në ekipin e Francë U21 në vitin 2007.
“Ai është një tip si Cantona, një tip si Gascoigne. Është ajo arroganca e tij, kapardisja, sensi artistik dhe aftësia e tij për të zbukurojë një ndeshje. Ai e ka pasur këtë ndikim në West ham.”
Bilic mendon se ai është një nga lojtarët më të mirë të Premier League, por çka të habit më shumë është mosha e tij, 29 vjeç mbush ai muajin tjetër.
Pse i është duhur aq shumë kohë mesfushorit për t’u bërë një nga emrat më të lakuar në Evropë?
Payet e ka kaluar fëmijërinë e tij në territorin Francez të Reunion, një ishull indian me një klimë tropikale që ndodhet midis Madagaskarit dhe Maurutius.
Payet e adhuron fëmijërinë e tij në ‘parajsë’, ishte babai i tij që e prezantoi atë dhe dy vëllezërit më të vegjël me futbollin, shumë shpejtë ai fillon të luajë me ekipin e zonës Saint Philippe.
Potenciali i tij u kuptua shpejtë, duke tërhequr vëmendjen e skautëve francezë. Ekipi i tij arriti një marrëveshje reciproke me Le Harve kur ai ishte 12 vjeç dhe Payet, i cili udhëtoi për në Francë, e kishte shumë të vështirë për t’u ambientuar.
“Ai erdhi i vetëm në Francë, është shumë e vështirë të jesh një 12 vjeçar larg familjes së tij,” thotë trajneri i tij kur ai ishte 14 deri 16 vjeç.
“Ai nuk ishte maturuar dhe bënte gabime fëmijërore, kishte probleme ë shkollë. I mungonte regjimi për t’iu dedikuar futbollit në atë moshë. Nuk ka bërë gjëra të tmerrshme, por ishte problematik. Ishte gjithmonë i mirë teknikisht, në fushë mundohej të bënte gola spektakolare dhe lëvizje akrobatike dhe rrallë zgjidhte mundësinë e thjeshtë.”
Kur ai mbushi 16 vjeç ai u largua nga Le Harve.
Ai rikthehet në vendlindje me ekipin e AS Excelsior. Ai është pjesë e brezit të vitit 1987, por teksa Karim Benzema, Samir Nasri dhe Hatem Ben Afra fituan kampionatin evropian të U17, Payet akoma nuk ishte në radarët e skautëve francezë. Ai qëndroi për dy vite në vendlindje deri kur Nantes i ofroi një kontratë gjashtë mujore.
Menaxheri i asaj kohe te Nantes shprehet: “Ditën që e pashë të luante frynte shumë erë, e cila po e mundonte shumë Payet. Ai nuk bëri një paraqitje të mirë por kishte dy-tre momente të cilat ra në sy. Vetëm për ato, unë e mora në ekip.”
Gjatë qëndrimit në Nantes ai punonte edhe në një dyqan rrobash për të siguruar të ardhura. Sjellja e tij ka qenë gjithmonë nën vëzhgim.
Te Nantes, ai kishte një përplasje me ish portierin e United, Fabien Barthez, i cili i bën një ndërhyrje shumë të rëndë lojtarit, i cili reagon shumë keq. Më vonë, kur ishte te St-Etienne, pati një sherr midis tij dhe shokut të skuadrës Matuidi, teksa Payet e godet mesfushorin në kokë.
Megjithëse kishte probleme me sjelljen, Payet po bënte progres gradual.
Trajneri i tij kur ishte te Lille, Rudi Garcia, shpjegon: “Zhvillimi i tij ka qenë i ngadaltë, por tani ka arritur aty ku duhet të jetë. Problemi i tij ka qenë vazhdueshmëria. Një ndeshje luante mirë, tjetrën keq. Tani ai ka kuptuar që duhet të japë 100% n çdo ndeshje. Shkolla e futbollit anglez i ka bërë mirë. Sado talent të kesh, puna është çelësi i suksesit.”
Tani ai është më i kompletuar, një karakter i mirë. Vendimi për të refuzuar kampionatin kinez është tepër i rëndësishëm, kjo tregon se ai ka ambicie dhe është rritur.
I keni parë goditjet standarde që kryen? Stërvitet me orë të tëra në stërvitje, dhe tani i janë kthyer si një rutinë. Ai stërvitet si një pianist që sigurohet të jetë gjithmonë në kohë.
Edhe në Francë popullariteti i tij sa vjen e shtohet. Ai e ka kënaqur shumë ish-trajnerin e tij te Marseille, Marcelo Bielsa, duke pranuar se “një vit me Bielsa-n ai ka mësuar sa për 10 vite.
“Sipas një burimi të brendshëm në Marseille, Bielsa e ka shtyrë shumë Payet për t’u përmirësuar, duke e nxitur të jepte gaz në çdo minute dhe në çdo ndeshje duke e kërcënuar se do ta linte jashtë formacionit. Një njeri i cili vazhdon të ketë dyshimet e tij është trajneri i përfaqësueses franceze Didier Deschamps. Mundësia që Payet të shkojë në Francë 2016 është shumë e vogël.
Franca ka shumë konkurrencë në rolin e tij, momentalisht Valbuena dhe Ben Afra janë përpara tij. Ai është akoma në kërkim të një vendi për Francë 2016, nëse ai vazhdon me paraqitjet e tija të mëdha, mbase Deschamps nuk do të mundë t’i thotë jo.
