Mbetjet e një anijeje të Australisë, e fundosur nga një nëndetëse japoneze në Luftën e Dytë Botërore, u gjetën pas 77 vjetësh në brigjet australiane.
“NS Iron Crown”, një anije mallrash detare, e cila po transportonte minerale nga Australia e Jugut në Uellsin e Ri Jugor, u sulmua jashtë shtetit të Victoria në vitin 1942, nga ku mbetën të vrarë 38 njerëz, ndërsa pesë anëtarë të ekuipazhit mbijetuan.
Ekipi i kërkimeve nga Muzeu Australian Detar i gjeti mbetjet rreth 100 kilometra larg Viktorias dhe rreth 700 metra nën sipërfaqen e oqeanit duke përdorur pajisje sonare dhe një aparat për të pastruar shtratin e detit dhe për të hartuar faqen. Arkeologët detarë thanë se gjetja e mbetjeve të saj është “një ngjarje me rëndësi kombëtare”.
Nga matjet deri në 100 metra, anija u gjet “relativisht e paprekur”, ndërsa harku i saj, hekurat dhe ankorat u gjetën gjithashtu në vend.
Sipas dëshmive anija u fundos 60 sekondave pas sulmit, ndërsa anëtari i saj më i vjetër i mbijetuar i ekuipazhit vdiq në vitin 2012.
