Ai vjen nga shumë poshtë. Dhe së shpejti do të jetë në majë të botës. Është shumë e mundshme që Wes Morgan me ekipin e tij të Leicester City të bëj surprizën e sezonit duke fituar titullin kampion të Premier League. Morgan është kapiteni i ekipit të Ranieri-t. Që prej vitit 2012 luan qendërmbrojtësi për Leicester, ai ka edhe pasaportë angleze edhe xhamajkane. Morgan nuk i ka munguar as edhe një minutë ekipit të tij gjatë këtij sezoni. Dy javë më parë ai i dhuroi trepikëshin ekipit të tij pas një goditje me kokë. Ishte goli i tij i parë në Premier League për këtë vit.
Wes Morgan ka lindur para 32 viteve. Jeta e tij ka filluar në kishte tepër të varfra. Ai është rritur në zonën problematike të quajtur “Meadows” të Nottingham. “Atëherë nuk e dija a ekzistonte pasuria, apo luksi. Në “Meadows” duhet të ishe i lumtur me atë çfarë kishe, dhe unë isha një fëmijë që isha mirënjohës për çdo gjë që kisha. Bashkë me mamanë dhe motrën unë jetoja në një shtëpi të vogël përdhese. Babanë e kam parë shumë rrallë,” shprehet Morgan për Daily Mail.
“Të gjithë në Nottingham e njohin zonën e “Meadows”. Është një lagje shumë e fortë. E njohur për drogën, kriminalitetin dhe armët. Disa nga shokët e mi kanë marrë rrugën e keqe, dhe u përfshinë në të tilla gjëra. Disa shkuan në burg. Por unë kisha gjithmonë futbollin. Ne luanim në kopshte të huaj, në parking makinash, nëpër parqe, kudo.” Kur ishte 11 vjeç ai iu bashkua ekipit të zonës Notts County. Katër vite më vonë ai shkon te rivali i të njëjtit qytet Nottingham Forest, ku bindi me aftësitë e tij dhe nënshkroi për herë të parë në vitin 2002 kontratën e parë si profesionist.
