E në këto ditë festive, për të moshurën kryesorja është një shtrat i ngrohtë pasi i acari po e sëmur. Historia e Anxhelës, transvestiti i cili së bashku me të moshuarën, i ka lidhur varfëria e që janë të pastreha.
Anxhela dhe Fatmija, prej kohësh krevat kanë stolin që ndodhet tek lulishtja para Parlamentit.
Fatimja e verbër është nënë e katër fëmijëve, por ka më shumë se 1 dekadë që nuk i sheh fëmijët e saj. “Kam 4 djem dhe një vajzë të martuar në Fier. Për 4 djemtë që kam, ata janë mbledhur të gjithë bashkë në Greqi dhe as që duan t’ia dinë për mua fare. Për herë të fundit me fëmijët jam parë në vitin 2013”, thotë Fatimja për Report Tv.
Anxhela kujdeset për Fatimen, e cila ka 2 vjet që ka humbur shikimin. Ndërsa nënë Fatimja, siguron të ardhurat, pasi ajo lyp rrugëve të Tiranës. “Ditën unë dal e lyp se jam e verbër e nuk shoh të punoj. Dhe për mua të rrojë e mbretërojë Anxhela Hoxha se derisa të kem frymë unë, nuk ka për të punuar Anxhela natën”, thotë Fatimja.
“Një natë ishte sëmurë dhe lajmërova ambulancën. Erdhën deri këtu. Pastaj nisën të tallen. Pse thanë me endacakët e rrugëve do merremi ne, tha një doktor”, tregon Anxhela.
