Mark Halsey është një nga ish-gjyqtarët më të mirë që futbolli anglez ka parë në historinë e tij. Gjithashtu, ndonëse jo me siguri maksimale, mund të thuhet se Halsey është gjithashtu arbitri i vetëm i futbollit anglez që ka përfituar një favor seksual, por pa i kërkuar në këmbim asgjë që të kishte të bënte me futbollin. Në fillim të këtij viti, ish-gjyqtari ishte i ftuar në një emision televizim që drejtohet nga ish-futbollisti Jimmy Bullard dhe komediani britanik Rob Beckett, gjatë të cilit ai bëri disa deklarata të bujshme por që çuditërisht asnjë nga mega-tabloidët anglezë nuk i reflektuan.
Gjatë tetë minutave të para të emisionit, Halsey e pa veten duke folur mbi një takim të zhvilluar në një klub vere, bashkë me shumë miq të tij gjyqtarë, të cilët e thërrisnin atë “Taksi”. Një epitet ky i fituar për shkak se ai, për të plotësuar pagesën prej arbitri punonte gjithashtu si shofer taksie, të paktën për një periudhë të shkurtër. “Ata më quanin “Taksi”, sepse në të kaluarën time, për disa kohë punova si shofer taksie. Ishte një eksperiencë e këndshme të cilën e kam shijuar. Disa femra të bukura uleshin aty pranë meje. Për hir të së vërtetës, në një mbrëmje Krishtlindjesh, shumë vite më parë (i betohet bashkëshortes së tij të dytë, Michelle se kjo histori ka ndodhur para se ata të lidheshin bashkë), ndalova dhe mora një grup me vajza, për t’i dërguar më pas ato në një klub nate, dy u ulën pas dhe njëra pasagjere para, në krahun tim”, tregon ish-arbitri Halsey.
“Ku doni të shkoni vajza? Ato donin të shkonin në klub nate dhe unë i thashë që nuk kishte problem. Kështu që ato u futën brenda dhe i them të lidhin ripat e sigurimit, për të nisur kështu udhëtimin drejt destinacionit. Kur, krejt pa pritur, pasagjerja në krahun tim, nis të më prekë, pikërisht aty ku nuk duhej ta bënte. Vazhdo këshu…mendova me vete teksa unë rritesha gjithmonë e më shumë, por udhëtimi përfundoi. Ajo dëshironte që unë të kthehesha sërish për t’i marrë, por unë nuk e bëra, pasi gruaja ime e parë më telefonoi për të më pyetur se ku isha”, tregon këtë histori të rrallë legjenda e gjykimit në Angli, Halsey, duke u betuar se ai vetë nuk kishte arritur në destinacionin final…
