Tatuazhet janë padyshim një trend shumë i përhapur në gati të gjitha vendet e botës. Mirëpo ministria e shëndetësisë në Itali ka vendosur që të largojë nga tregu 9 pigmente me ngjyra që përdoren për të realizuar tatuazhe.
Diçka e tillë ka ndodhur pasi këto pigmente janë analizuar dhe janë vërtetuar se përmbajnë substanca kancerogjene ose provokojnë alergji. Këto pigmente ngjyrash janë tërhequr pasi nuk përputhen me direktivën europiane të vitit 2008 që rregullon sektorin
Në këto pigmente mësohet të jenë gjetur substanca të tilla si amina aromatike apo dhe hidrokarburet aromatike. Gjithashtu pas një studimi të kryer rreth personave që kanë realizuar tatuazhe ka rezultuar se rreth 13% e popullësisë italiane kanë të paktën një të tillë.
Ndër to rreth 76.1% e tatuazheve janë realizuar në qendra të specializuara për to, 9.1% në qendra estetike, ndërkohë që 13.4% në vende të paautorizuara. Një pjesë e mirë e të anketuarve në këtë studim janë shprehur se kanë patur efekte anësore pas bërjes së tatuazhit./Opinion.al/
