Numri i të arrestuarve për protestën e opozitës ka shkuar në 16. Policia e Lezhës ka arrestuar edhe një 80-vjeçar nga Fishta, i cili gjatë protestës së ditës së shtunë hipi sipër skelave të kryeministrisë.
Nga informacionet e para, mësohet se ai quhet Ndue Fuga. Ai është marrë në shtëpinë e tij në Fishtë dhe më pas është shoqëruar drejt Tiranës.
Policia thotë se arrestimi i këtyre shtetasve është bërë pas analizimit të pamjeve filmike, raport shërbimeve dhe provave të tjera të mbledhura, gjatë protestës së djeshme ku pati akte të dukshme dhune.
Të arrestuarit akuzohen për veprat penale “Kundërshtimi i punonjësit të policisë së rendit publik”, “Goditje për shkak të detyrës”, “Shkatërrimi i pronës” dhe “Prishja e qetësisë publike”.
