Ish-zonja e parë e Amerikës Hilary Clinton ka qenë e ftuar së bashku me të bijën, Chelsea në emisionin “Good Morning America” për të promovuar librin “The Book of Gutsy Women”.
Ndonëse ajo nuk është shprehur shumë lidhur me skandalin e tradhtisë të bashkëshortit të saj ish-presidentit Amerikan Clinton, këtë herë nuk e anashkaloi.
Hilary u pyet se cili ka qenë një nga vendimet më të vështira që i është dashur të marrë gjatë jetës së saj dhe Clinton u përgjigj se ishte pikërisht vazhdimi i martesës pas skandalit të tradhtisë 20 vjet më parë me Monica Lewinsky.
““Ka patur momente kur kam qenë thellësisht e pasigurt nëse martesa jonë mund të mbijetonte, por në ato ditë i bëra vetes pyetjen që më interesonte më shumë: A e dua akoma? Dhe a mund të jem akoma në këtë martesë pa ndjenja zemërimi, pakënaqësie ose largimi. Përgjigjet ishin gjithmonë po. Kështu vazhdova”,-u shpreh Clinton.
Për këtë situatë ajo është shprehur më gjatë në librin e saj të publikuar në vitin 2007 “What Happened”. /Opinion.al/
