Sot është hedhur shorti për kalendarin e Serie A për sezonin 2019-2020 i cili do të nisë më 25 gusht.
Java e parë e kampionatit do të ketë përballje interesante siç është ajo mes Fiorentinës dhe Napolit. Kampionët në fuqi të Juventusit do të udhëtojnë në Parma, Interi do të presë në ‘San Siro’ Leccen ndërsa Milani do të përballet me Udinezen.
Java e dytë pritet të jetë edhe më spektakolare pasi do të shohim dy vendet e para të sezonit të shkuar, Juventusin dhe Napolin përballë njëra tjetrës. Ndeshja tjetër e javës së dytë do të jetë derbi i kryeqytetit mes Romës dhe Lazios.
Derbi i “Madonninës” është caktuar për në javën e katërt ndërsa Inter – Juve do të luhet javën e shtatë.
Këtë vit ndeshjet e mbrëmjes do të luhen sërish në orarin 20:45, pasi prova e sezonit të kaluar mesa duket nuk doli e suksesshme.
Sezoni i ri i kampionatit italian nis më 25 gusht dhe përfundon më 20 maj. Janë parashikuar 3 raunde ndeshjesh në mesjavë dhe 4 ndërprerje për shkak të ndeshjeve të kombëtares. /Opinion.al
