Miliana Muça është përzgjedhur me short si gjyqtarja që do të shqyrtojë dosjen e ish-Ministrit të Brendshëm Saimir Tahiri. Mësohet se dosja përbëhet nga 50 fashikuj dhe brenda këtyre 10 ditëve, gjykata do të dalë me një vendim nëse do të shkojë për gjykim apo jo.
Më herët, avokati i Tahirit, është shprehur se do të kërkojnë pushimin e çështjes, me pretendimin se Prokuroria nuk ka prova për akuzat e ngritura.
Miliana Muça është emëruar gjyqtare në Gjykatën e Krimeve të Rënda në vitin 2015 nga ish-Presidenti Bujar Nishani, ndërsa më parë shorti i caktoi të gjykonte edhe dosjen e Kelment Balilit./Opinion.al
