Një 65 vjeçar ndërroi jetë sot paradite në spitalin e Korçës. Ai u transportua në spital në gjendje të rëndë pasi u gjet në shesh-pushimin e pallatit ku banonte. Siç njofton policia dyshohet se ai është vetëhedhur nga shkallët e pallatit duke rënë në katin e parë.
“Në lagjen nr 15 në Korçë, rruga “10 korriku” dyshohet se është hedhur nga shkallët e brendshme të pallatit nr 4, shtetasi P.N, rreth 65 vjeç. Menjëherë në vendngjarje kanë shkuar shërbimet e Policisë dhe Ambulanca. Grupi hetimor në vendngjarje po punon për zbardhjen e rrethanave të ngjarjes”, tha policia lokale në një njoftim për mediat.
