Memoriali i Thimio Lolit, në Krane të Finiqit, është hedhur sërish në erë me eksploziv dhe si pasojë është dëmtuar pllaka e mermerit dhe muri përreth.
Kjo është hera e dytë që dëmtohet memoriali i Thimio Lolit, për të cilin ekzistojnë dokumente se ka marrë pjesë në masakrat ndaj shqiptarëve në vitin 1914 dhe ndaj popullsisë çame në 1944, ngjarje të cilave i referohet edhe folklori në zonat e Labërisë.
Ndërkohë pas ngjarjes ka reaguar dhe Athina zyrtae, e cila në një komunikatë për shtyp shkruan se “me qëndrimin konstant se sfidat ndaj minoritetit kombëtar grek si dhe ndaj vete marrëdhënieve greko-shqiptare, duhet të hetohen menjëherë dhe të sqarohen duke i sjellë autorët para drejtësisë, presim që pala shqiptare të veprojë sa më shpejt që të jetë e mundur duke rikthyer ndjenjën e sigurisë tek pakicat kombëtare greke”./Opinion.al
