Komisioni i Posaçëm me fokus luftimin e dezinformimit dhe format e tjera të ndërhyrjes së huaj në proceset demokratike të vendit, miratoi metodologjisë së punës, e cila bazohet në katër pika.
Ndërkohë opozita nuk mori pjesë në këtë komision.
Kryetari i Komisionit, Erion Braçe ftoi të marrin pjesë në këtë mbledhje edhe përfaqësues të mediave dhe institucioneve.
“E para ka të bëjë me rishikimin e kuadrit ligjor dhe praktikës për ndalimin e hyrjes së huaj në proceset demokratike dhe ato zgjedhore, me katër objektiva që i bashkangjiten, ndalimi i ndërhyrjeve të huaja në ekonomi, mbrojtja dhe promovimi lirisë së medias përballë dezinformimit.
Unë do të ftoja edhe aktorë të tjerë të medias, që bëjnë pjesë te grup, që do të jetë një grup i rëndësishëm pune, edhe përfaqësues të institucioneve publike, të pavarura, që ndërveprojnë në fushën e medias, natyrisht edhe ekspertë të huaj”, tha kryetari i komisionit, Erion Braçe.
