Kryeprokurorja Arta Maku ka thirrur në zyrë kreun e Prokurorisë së Krimeve të Rënda, Besim Hajdarmaj i cili është edhe prokurori që kryeson hetimet për ish-ministrin e Brendshëm Saimir Tahiri.
Përmes një njoftimi për mediat të Prokurorisë së Përgjithshme mësohet se z.Marku i ka ofruar mbështetje z. Hajdarmataj. Në fakt hetimet për këtë çështje kanë ngecur për më shumë se dy muaj. Asnjë element i ri nuk i është shtuar dosjes hetimore ndërsa Saimir Tahirit iu rikthye pasaporta dhe prokuroria nuk arriti dot të faktonte lidhjen e rreth 1 milione eurove në makinën e Orest Sotes dhe patentave të ish-ministrit.
Me ardhjen në postin e kreu të akuzës Arta Marku edhe pse u cilësua si e përkohshme largoi që në ditet e para nga detyra stafin e afërt të ish kryeprokurorit Llalla ku bëntë pjesë dhe kreu i Krimeve të Rënda.
I vetmi në fakt që i ka shpëtuar fshesës së ndryshimeve, është Hajdarmataj i cili shfaqet sot i mbështetur fort publikisht nga znj. Marku, për një çështje që ka dy muaj që zvarritet në zyrat e prokurorisë së Krimeve të Rënda
Gjithsesi opinioni publik pret të shohë konkretisht se si do jetë mbështetja e Arta Markut për prokurorin e Tahirit, Besim Hajdarmataj.
/Opinion.al
