Sipas Gazetarit Artan Hoxha që u morr në pyetje për tre orë mbrëmjen e djeshme nga Prokuroria e Kirmeve të Rënda pasi deklaroi në “Opinion” se piloti italian kishte ardhur për të provuar pistën në Ishëm dhe më pas do të transportonte 200 kg drogë, hetimet për rrjetin e trafikut të drogës nuk po shkojnë mirë.
Sipas tij, shkak i sfumimit të hetimeve, është mosbesimi i madh dhe mungesa e bashkëpunimit mes policisë së shtetit dhe Prokurorisë.
Policia e prokuroria, sipas Hoxhës, janë në betejë të vazhdueshme me njëra tjetrën.
Për gazetarin, çështja e hetimit, zbulimi i financuesve të rrjetit dhe gjetja e personave që fshihen pas këtij aktiviteti krimanl, po sfumohen, dhe në vend të tyre organet hetimore po merren me gazetarët, si në rastin e tij.
Opinion.al/a.h
