Sekretarja për Marrëdhëniet me Publikun në Partinë e Lirisë, Silva Caka ka reaguar pas shkresës që kreu i SPAK, Arben Kraja i ka dorëzuar Drejtorisë së Gjendjes Civile në lidhje me gjeneralitetet e ish-presidentit Ilir Meta.
Përmes një postimi në “Facebook”, Caka shkruan se Ilir Meta e ka kaluar vetingun nga njerëzit që e kanë vlerësuar gjatë 30 viteve të karrierës së tij politike dhe se sipas saj nuk është nevoja t’i bëhet verifikimi nga Beni i komunizmit, duke iu drejtuar kështu Arben Krajës.
“Ky hetuesi i komunizmit, i ka verifikuar gjeneralitetet e tij?
Ilir Rexhep Metaj ka kaluar Vetting-un e njerëzve që e kanë vlerësuar në 30 vitet e tij në politikën më aktive dhe nuk ka nevojë t’ia bëjë verifikimin Beni i komunizmit.
Merru me inceneratorët Beni dhe mëso të ecësh vetë, jo me hapat e Taos dhe Edvinit që i ndërron gjeneralitetet dhe kartelat sipas volisë”, shkruan Caka.
