Përgjimet e para për grupin e “Avdylajve” në lidhje me trafikimin e lëndëve narkotike kanë ardhur nga Gjermania në vitin 2016, përmes një dosje të deleguar nga “Eulexi” për Prokurorinë Shqiptare.
Ndërsa, ditën e djeshme gazeta e njohur e “Bild” publikoi përgjime të vitit 2017, ku Astrit Avdylaj komunikonte me përfaqësues të lartë të Partisë Socialiste në Durrës e Shijak.
Në këto përgjime dëgjohet se si Avdylaj ndërhynte gjatë zgjedhjeve të viti 2017, në favor të PS.
Po në Gjermani, Prokuroria shqiptare kërkon të sigurojë prova të tjera veç atyre të administruara në Shqipëri.
Kjo për faktin se disa familjarë të Astrit dhe Altin Avdylajt, të arrestuar në operacionin Volvo 4, ushtrojnë aktivitet në fushën e biznesit në Gjermani.
Mësohet se, Prokuroria e Krimeve të Rënda nisur drejt Gjermanisë letër-porosi ku kërkohet informacione për pasurinë e tyre. Autoritet shqiptare kanë të dhëna se këta persona jetojnë prej vitesh në Shtutgard dhe kanë biznese të ndryshme atje, si hoteleri e kompani ndërtimi.
Po ashtu, një tjetër letër-porosi është nisur edhe drejt Italisë, nga ku priten të dhëna të tjera në lidhje me përfshirjen e grupit në trafikun e drogës./ Opinion.al E.Xh.
