Kreu i Partisë së Lirisë Ilir Meta ka folur lidhur me hetimet e nisura nga SPAK ndaj tij.
Gjatë një interviste për Syri Tv, Meta tha se nuk është thirrur nga SPAK dhe se nuk është i interesuar.
Ndër të tjera Meta deklaroi se nuk i është shmangur asnjëherë drejtësisë dhe se nëse do të ketë një thirrje për të nga SPAK do të shkojë.
“Nuk e di çfarë hetojnë ata, le të hetojnë çfarë të duan, nuk kanë çfarë të hetojnë. Unë jam përballë jush dhe përballë regjimit të Ramoviç. Përpara një viti kishte një lidership të korruptuar të opozitës që përdorej nga Ramoviçi. Unë s’i jam shmangur asnjëherë drejtësisë, kjo ka qenë fuqia ime, jam përballur me drejtësinë. Ka një thirrje për mua, do shkoj do t’u përgjigjem dhe do t’ju njoftoj për çfarë më kanë thirrur. As nuk jam thirrur dhe as nuk jam i interesuar”, tha ai./Opinion.al
