Hetimet e Drejtorisë së Doganave kanë bërë të mundur sekuestrimin e qindra litrave naftë kontrabandë e futur në vendin tonë.
Në bashkëpunim me Policinë e Durrësit u krye edhe arrestimi i shtetasit Olsi Beshi.
Gjatë kontrollit dhe analizave të bëra rezultoi se ky shtetas dispononte në furgon një sasi prej 240 litrash naftë e cila rezultoi 100% e pamarkuar.
Nga hetimet e njëpasnjëshme të Drejtorisë së Doganave në të gjithë vendin, është bërë e mundur edhe arrestimi i një shtetasi tjetër për futjen e një sasie prej 220 litrash naftë kontrabandë.
I arrëstuari është Altin Këlliçi, administrator i shoqërisë “Këlliçi 2009” shpk subjekt që ushtron aktivitetin në fushën e inerteve.
Aksioni u krye në aksin Lushnje-Berat nga grupi i antikontrabandës, të cilët po ushtronin kontrolle për automjetet me tonazhe të rëndë.
Ndërkaq, hetimet u realizuan edhe pranë depozitave të firmës në Kavajë ku u kapen një sasi prej 800 litrash naftë të tjera të pa markuara në masen 31 për qind.
