Kanë nisur procedime penale ndaj gjashtë ish-deputetëve të PD pasi kanë kundërshtuar me dhunë forcat e policisë.
Hetimi në lidhje me këtë procedim ka nisur pas protestës së 16 shkurtit. Prokuroria disponon pamjet që tregojnë se si Flamur Noka, Enkelejd Alibeaj, Gent Strazimiri, Klevis Balliu, Xhemal Gjunkshi, Anton Frrokaj kanë hyrë me dhunë në ambientet e Drejtorisë së Policisë Tiranë dhe kanë kundërshtuar me dhunë efektivët e policisë.
Pas hetimeve të kryera, Prokuroria pranë Gjykatës se Shkalles së Parë ka ngritur akuzën për veprën penale të kundërshtimit të punonjësit të policisë së rendit publik kryer në përdorim të dhunës dhe në bashkëpunim. /Opinion.al
