Në Francë nga mesnata ka nisur heshtjra parazgjedhore, para ditës së votimeve që do të mbahet nesër.
Francezët nesër do të zgjedhin ndërmjet kandidatit të pavarur, Emmanuel Macron apo ekstremes së djathtë, Marine Le Pen.
Raundi i parë i zgjedhjeve presidenciale u mbajt më 23 prill, ku Macron arriti të sigurojë 23.75% të votave, dhe Le Pen 21.53% të votave.
Periudha ndërmjet dy raundeve zgjedhore u shënua me protesta të dhunshme, ku Marine Le Pen u sulmua edhe me vezë, kurse policia përdori edhe gaz lotsjellës për t’i shpërndarë protestuesit.
Le Pen ka akuzuar mbështetësit e Macron se janë të dhunshëm, duke tentuar ta shfrytëzojë për vota para zgjedhjeve.
Kurse Macron i cili me politikat e tij bashkëpunuese pro-BE, ka arritur të bëhet kandidat mjaft i preferuar nga francezët.
Krejtësisht qëndrime të kunëdrta ka pasur Le Pen, e cila ka premtuar se do ta largojë monedhën euro, dhe do të synojë tërheqjen e Francës nga Bashkimi Evropian.
Gjatë debatit të fundit televiziv, ka pasur kritika të ashpra ndërmjet dy kandidatëve, por që sipas anketave Macron ka dalur fitues i qartë edhe nga ky debat.
Sipas sondazheve të djeshme të fundit para zgjedhjeve, Macron pritet të sigurojë mbi 60% të votave, për dallim nga Le Pen e cila pritet të sigurojë rreth 35% të votave.
