Ditën e djeshme Drejtori i Teatrit Kombëtar Hervin Çuli kishte postuar një status në Facebook, i cili u interpretua nga portalet se ishte një ironi për protestën e PD-së. Gjithçka mori më shumë flakë kur aktori i njohur Robert Ndrenika komentoi në këtë status, “Që kur ka filluar të bëjë ham ham drejtori?”, ishte komenti i Ndrenikës. Drejtori i Teatrit Kombëtar iu përgjigj Ndrenikës duke thënë, “Që kur niveli yt ikonë zbriti këtu ku je?”.
Por menjëherë pas kësaj Hervin Çuli, hasi një rezistencë dhe kritika të ashpra nga ndjekësit dhe portalet, Çuli u përpoq të sqaronte se komenti nuk ishte fyes për aktorin Ndrenika, por një shkëmbim batutash mes tyre.
Kështu sot, Drejtori i Teatrit ka fshirë statusin që shkaktoi gjithë këtë polemikë, si një lloj tërheqje të ofendimeve, por publiku ka vazhduar sërish me komente negative ndaj tij./opinion.al
