Shfaqja e herpesit nuk duhet të ngatërrohet me plagë të rregullta, ose flluska të vogla jongjitëse që shfaqen në gojë ose në gjuhë dhe mund të lidhet me faktorë dhe shkaqe të shumtë si stresi, intoleranca ushqimore, abuzimi me barna të caktuara ose plagët aksidentale nga përçapja e mukozës.
Periudhat e stresit, ndryshimet hormonale të forta janë faktorë të përbashkët që ndikojnë në shfaqjen e herpesit në buzë.
Virusi është i keq sepse ngjitet në qelizat qendrore të nervit trigeminal dhe qëndron i fshehur, por i pranishëm, i gatshëm për t’u manifestuar në lëkurë kur sistemi ynë imunitar është në një fazë deficiti, ndoshta për shkak të stresit shumë të rënduar, lodhjes mendore dhe fizike, dobësisë fizike si pasojë e gripit, por edhe ndaj ekspozimit diellor pa mbrojtje, ushqimit të çrregullt dhe ndryshimeve të klimës.
Kura që lufton herpesin në buzë
Është mirë të reduktoni konsumin e ushqimeve të tilla si kikirikë, arra, lajthi, sheqerna të rafinuar, fruta të thata në përgjithësi dhe çokollatës, duke preferuar ushqime në të cilën raporti arginine/lysine është më i ulët, të tilla si proteina shtazore, produktet e qumështit dhe bishtajoret.
Konsumimi i frutave dhe perimeve të freskëta sezonale është shumë i dobishëm për t’i siguruar trupit mikronutrientët e nevojshëm për të kundërshtuar sulmin e virusit herpes; një rol të rëndësishëm duhet t’i jepet manaferrave, brokolit, lakrës dhe lulelakrës, çajit të zi, kivit dhe lëngjeve të shtrydhura me fruta të freskëta.
Mjekësia tradicionale kineze
Për mjekësinë kineze herpesi ndodh kur gjaku hollohet dhe është një çrregullim që kurohet shumë mirë me barërat bimor përmes aplikimeve direkt. Në këtë mënyrë ajo nxit aftësinë e trupit për të prodhuar gjak dhe lëngje të brendshme.
