Në Shqipëri ai është një yll, një hero.
Futbollisti Armando Sadiku ka shënuar të parin dhe të vetmin gol të Shqipërisë në turne të madh.
Por jeta e Sadikut është përpara ndryshimeve të mëdha.
Gazeta zvicerane Blick shkruan se sulmuesi i Luganos kërkon të bëhet bullgar.
“Po, e vërtetë. Gjyshërit e mi kanë pasaportën bullgare, prandaj kam aplikuar edhe unë,” thotë ai për gazetën.
25-vjeçari ishte dy ditë në kryeqytetin bullgar, Sofia për të aplikuar për nënshtetësinë, duke humbur dy ditë stërvitje tek Lugano.
Por përse kërkon që të jetë qytetar i dyfishtë?
Arsyeja e tij është ëndrra për një angazhim jashtë vendit.
“Anglia ose Italia vazhdojnë të më joshin,” thotë sulmuesi.
A do të thotë kjo se shqiptarët duhet të kenë frikë se ai do braktisë kombëtaren?
Sadiku: “Jo, sigurisht që jo. Është krenaria ime më e madhe, që të mbaj bluzën e Shqipërisë dhe të përfaqësoj vendin tim. Do jap gjithmonë maksimumin. Më shumë se 100 përqind”.
