Pas kryeministrit Edi Rama, ka reaguar edhe kryetari i Bashkisë Kukës Safet Gjici në lidhje me vendimin e Këshillit Bashkiak, që i hoqi titullin “Qytetar Nderi” publicistit të njohur nga Kosova Veton Surroi.
Gjici ka kërkuar ndjesë, ndërsa e cilëson vendim të nxituar të Këshillit Bashkiak për t’i hequr titullin Surroit.
Postimi i kryetarit të Bashkisë Kukës Safet Gjici:
Në emër të Bashkisë Kukës kërkoj ndjesë për veprimin e nxituar sot në Këshillin e Qarkut , lidhur me vendimmarrjen për heqjen e Titullit “Qytetar Nderi” Veton Surroit, pas kërkesës së 57 familjeve të Dëshmorëve të UÇK-së!
Duke u ndjerë shumë pranë atyre familjeve dhe dhimbjes së tyre në raport me këtë kohë lëndimesh për UÇK nuk e menduam më gjatë kërkesën e tyre emocionale. Safet Gjici, kryetar i Bashkisë Kukës./ Opinion.al
