KFOR-i ka mirëpritur vendimin për heqjen e barrikadave në veri të Kosovës.
Në një njoftim për mediat thuhet se të gjitha palët duhet të shmangin çdo retorikë apo veprim që mund të shkaktojë përshkallëzim të mëtejshëm.
KFOR thotë se po monitoron nga afër zhvillimet dhe se do të ndërhyjë nëse është e nevojshme.
“Të gjitha palët duhet të shmangin çdo retorikë apo veprim që mund të shkaktojë përshkallëzim të mëtejshëm. KFOR-i po monitoron nga afër zhvillimet. Ne mbetemi jashtëzakonisht vigjilentë dhe të gatshëm për të ndërhyrë, nëse është e nevojshme, në përputhje me mandatin tonë të bazuar në Rezolutën 1244 të 1999”, thuhet në komunikatë.
