Italia është larguar nga Euro 2016 duke humbur me penallti kundër Gjermanisë. Kanë qenë vendimtare gabimet nga pika e bardhë e Darmian, Zaza, Pelle dhe Bonucci-t. Dhe pikërisht për ekzekutimin e penalltive në Bordo ka folur ish-ylli i Arsenal dhe i kombëtares franceze Thierry Henry. Sipas këndvështrimit të tij gabimet më të pafalshme kanë qenë ato të sulmuesit të Southampton dhe atij të Juventus-it: “Sigurisht njerëzit do të mbajnë mend penalltinë e gabuar nga Darmian sepse ka qenë e fundit, por nëse unë do të isha një tifoz italian do të mendoja më shumë për gabimet e bërë nga Pelle dhe Zaza”.
Sipas Henry, mund të konsiderohen si penalltitë më të këqija të historisë së futbollit: “Kuptoj se ka situata të caktuara në të cilat presioni mund të ndikojë, por gabimet që kam parë të shtunën në mbrëmje janë sigurisht mes më të shëmtuarve në historinë e penalltive që unë kam parë ndonjëherë”, ka thënë Henry.
