Një student i fushës së artit në Korenë e Jugut hëngri një banane që ishte pjesë e një instalacioni të artistit Maurizio Cattelan, duke thënë se ishte “i uritur” pasi nuk kishte konsumuar mëngjesin.
Vepra e artit e quajtur “Komediani“, pjesë e ekspozitës së Cattelan “WE”, përbëhej nga një banane e pjekur e ngjitur me shirit në një mur në Leeum Musuem of Art të Seulit.
Pasi hëngri bananen, studenti, Noh Huyn-soo, ngjiti lëkurën në mur.
Muzeu më vonë vendosi një banane të re në të njëjtin vend, raportuan mediat lokale.
Incidenti, i cili zgjati më shumë se një minutë, u regjistrua nga miku i zotit Noh.
Muzeu i Artit Leeum u tha mediave se nuk do të kërkojë dëmshpërblim ndaj studentit. Pasi banania e ekspozuar thuhet se zëvendësohet çdo dy ose tre ditë.
Noh më vonë tha për mediat lokale se ai e shihte punën e Cattelan si një rebelim kundër një autoriteti të caktuar. “Mund të ketë një rebelim tjetër kundër rebelimit,” tha studenti i Universitetit Kombëtar të Seulit për KBS.
“Dëmtimi i një vepre arti mund të shihet edhe si një vepër arti, mendova se do të ishte interesante… A nuk është ngjitur atje për t’u ngrënë?”
Kjo nuk është hera e parë që bananet e përdorura për punën e zotit Cattelan hahen nga një vizitor.
Në vitin 2019, artisti i performancës David Datuna tërhoqi bananen nga muri pasi vepra e artit u shit për 120,000 dollarë (91,000 £) në Art Basel në Miami.
Banania u zëvendësua me shpejtësi dhe nuk u ndërmor asnjë veprim tjetër./Opinion.al
