Ministrja e Shëndetësisë, Ogerta Manastirliu ka deklaruar këtë të mërkurë, se gjendja në Spitalin e Krujës është nën kontroll dhe ditën e sotme janë 14 qytetarë që po marrin shërbim shëndetësor në spital. Ndërkohë autoritetet janë në pritje të përgjigjeve të analizave bakterologjike.
“Dua t’ju jap një informacion. Nga raportimet që më kanë ardhur nga ISHP dhe operatori i Kujdesit Vendor në Krujë janë ende në prite të përgjigjeve të analizave bakterologjike sa i përket analizave që janë marrë në funksion të pistave të ndryshme të hetimit që po hetohen nga specialistët tanë. Dua të theksoj faktin se në spitalin e Krujës gjendja është e kontrolluar. Ditën e sotme janë rreth 14 qytetarë, përfshirë këtu edhe fëmijë edhe adoleshentë, që janë duke marrë shërbim. Gjendja ka qenë nën kontroll. Shërbimi në spital ka qenë i plotë, në gatishmëri për të përballuar flukse nëse do të kishte. Fatmirësisht fluksi ka ardhur në rënie”, tha ministrja.
