Një ditë pas shfaqjes së problemit me nxënësit te shkolla në Paskuqan, reagon Qendra Spitalore Universitare “Nënë Tereza”.
Në deklaratën e tyre theksohet se “nuk u evidentua asnjë sindromë klinike toksikologjike, nga analizat e bëra nuk u evidentua asnjë lloj droge” për 7 nxënësit e paraqitur.
Por një ditë më parë, ishte PD ajo që akuzoi se fëmijët që ishin paraqitur në spital kishin helmim për shkak të tymit të hashashit që ishte djegur në shkollë.
Teksa ministrja e Arsimit Lindita Nikolla dhe ministri i Shëndetësisë Ilir Beqaj në Kuvend, reaguan duke nënvizuar me forcë se nxënësit ishin helmuar nga një lëndë e fortë që ishte përdorur në shkollë për pastrim.
