Afro 40 nxënës u helmuan dhe asfikësuan sot në shkollën e mesme të Gjegjanit. Lajmi u bë publik nga Opinion.al që raportoi për incidentin e rëndë në fshatin e Pukës.
Më pas policia lokale përmes një njoftimi për media tha se shkolla është dezinfektuar nga Shëndeti Publik. Por edhe pse fëmijët u helmuan në ambientet e shkollës, askush nuk është ndaluar apo shoqëruar nga policia si përgjigjegjës apo si i dyshuar për pasojat në shëndetin e fëmijëve.
Njoftimi i policisë
Dje (datë 03.10.2017 në orën 14:00) nga Shërbimi i Shendetit Publik është bërë dezinfektimi me klor në kuadër të dezinsektimit të Shkollave.
Sot me datë 04.10.2017 pasi kanë filluar procesin mësimor në shkollën e mesme të Gjegjanit, kanë shfaqur probleme shëndetsore disa nxënës, të cilët kanë shkuar për ndihmë mjeksore në Qendrat Shëndetësore më të afërta.
Momentalisht bëhet me dije se janë 10 nxenës, nga të cilët kanë shkuar në Qendrën Shendetsore në Rreshen 3 femijë, në Qëndren Shëndetësore në Pukë 3 femijë, dhe në Qendrën Shëndetësore në Gjegjan 4 femijë, ku nuk paraqesin probleme për jetën.
Nga ana Policisë po kryehen veprimet me grup hetimor për sqarimin e rrethanave të plota të kësaj ngjarje.
Lexo më shumë: Nxenesit te shtruar ne spital
