Një ngjarje e rëndë u regjistrua ditën e sotme në një shkollë në njësisë administrative Shupenzë në Bulqizë.
Mësohet se disa nxënës janë helmuar dhe janë transportuar për në spital. Ndërkohë policia bën me dije nxënësit janë ndier keq pasi kanë luajtur me një sprajt me aromë brenda ambienteve të shkollës.
Ndërkohë në lidhje me ngjarjen është ngritur një grup hetimor i cili po punon për zbardhjen e plotë të rrethanave.
“Më datë 24.10.2019, rreth orës 13:10, policia e Bulqizës ka marrë informacion se tek një klasë mësimi në shkollën e mesme në Shupenzë, një nxënës ka hedhur duke luajtur një sprajt ne aromë, ku disa prej nxënësve kanë shfaqur probleme shëndetësore të cilët po marrin ndihmë mjekësore në spital jashtë rrezikut për jetën. Grupi hetimor po kryen hetimet për zbardhjen e plotë të rrethanave të ngjarjes”, thuhet në komunikatën e policisë./ Opinion.al
