Dhjetë njerëz, përfshirë shtatë fëmijë në Hjuston u dërguan në spital për ekspozim kimik për shkak të një mbiklorimi të dukshëm të ujit të një pishine.
Sipas mediave të huaja, zyrtarët e zjarrfikësve të Houston u njoftuan për incidentin rreth orës 17:00 të shtunën.
Shefi i Departamentit të Zjarrfikësve përmes një postimi në Twitter lajmëroi se incidenti ishte nën kontroll.
Sipas autoriteteve, thuhet se shtatë fëmijë dhe tre të rritur u transportuan në një spital të zonës në gjendje mjaft të rëndë shëndetësore.
Klori përdoret në pishina për të eliminuar mikrobet.
Shefi i policisë vuri në dukje se ekspozimi ndaj klorimit të tepërt në një mjedis të tillë mund të shkaktojë të përziera, acarim të lëkurës, syve ose simptoma të astmës.
Incidenti në pishinë vjen ndërsa banorët po përpiqen të qëndrojnë të freskët mes temperaturave të larta, me indekset e nxehtësisë që janë rritur në ekstrem këtë fundjavë.
Ndërkohë policia ende nuk ka dhënë detaje për gjendjen e tyre shëndetësore./Opinion.al
