Hedhja e gazit lotsjellës ka bërë që për deputetët dhe Lulzim Bashën që ndodhen brenda ambienteve të PD të shfaqen probleme shëndetësore.
Deputeti Salianji në një lidhje për news 24 tha se brenda selisë ka njerëz që janë të plagosur dhe që janë të sëmurë.
“Ka njerëz që janë të plagosur. Ka njerëz të sëmurë. Është një situatë e paimagjinueshme e bërë për interesat personale të një njeriu. Ne po qëndrojmë në zyra të ndryshme. Nuk ka hapësira për të qëndruar të gjithë në një vend. Jemi në zyrat e PD, ishim në një ditë pune. Kjo nxitje dhune, ky qëndrim aty si gjeneral i një ushtrie të vdekur, për të marrë përpara përfaqësuesit më të lartë të PD, deputetët e zgjedhur, është e papranueshme dhe duhet të marrin përgjigjen e merituar dhe të plotë për cdo cenim që është bërë”, tha Salianji.
