Ndërsa ka komentuar anulimin e mbledhjes së qeverisë shqiptare dhe asaj të Kosovës, analisti Baton Haxhiu tha se me draftin dhe komunikimin e tij me Kurtin, Rama i dha këtij të fundit 72 orë frymëmarrje politike.
Haxhiu tha gjithashtu se BE i ka gati sanksionet për Kosovën.
“Ka gati 2-3 ditë që ka një komunikim mes Kryeministrit Rama dhe Kryeministrit Albin Kurti. Ajo që deshi Rama, edhe kur propozoi draftin edhe sot, deshi frymëmarrje politike për Albin Kurtin. Kjo frymëmarrje politike i dha atij 72 orë.
Sanksionet janë gati, së pari nga BE dhe më pas nga SHBA. Ekzistojnë të gjitha të shkruara dhe vetëm pritet momenti që ato të hyjnë në fuqi. Në momentin që shtetet vendosin, sanksionet qëndrojnë për një kohë të gjatë dhe vështirë të kthehen mbrapsh”, tha Haxhiu./Opinion.al
