Duke folur në studion e “Opinion”, lidhur me procesin e shkarkimit të presidentit nga parlamenti, analisti Baton Haxhiu tha se sipas tij Meta moralisht duhet të japë dorëheqjen nga detyra.
Sipas Haxhiut, ai e ka humbur peshën e tij dhe nuk është president i vendit.
Për mua Ilir Meta si president i vendit moralisht duhet të japë dorëheqje. Ilir Meta nuk është president i vendit, nuk përfaqëson as veten, as zyrën, as institucionin, pasi ka humb peshën e tij. Për hir të asaj që është formal presidentin e mban vetëm pesha e asaj që quhet, moment i zgjedhjes së tij, që është zgjedhur me një akt juridik. Akti moral nuk e mban. Çfarë e mban presidentin Meta? Vetëm vetja e tij e mban. Ai nuk e kupton që posti i presidentit nuk ka kuptim me Ilir Metën”, u shpreh Haxhiu./Opinion.al
