Presidenti i Kosovës, Hashim Thaçi i është nënshtruar një operacioni pasditen e sotme.
Disa ditë më parë u njoftua se ai u shtrua në spital për shkak të një problemi shëndetësor me veshkat.
Zyra e presidentit të Kosovës njofton se operacioni ka qenë i sukseshëm dhe se Presidenti është nën kujdes të vazhdueshëm të personelit mjekësor.
“Presidenti i Republikës së Kosovës, Hashim Thaçi, sot pasdite i është nënshtruar një intervenimi kirurgjik endourologjik në Klinikën e Urologjisë në Shërbimin Spitalor Kliniko-Universitar të Kosovës.
Sipas personelit mjekësor, operacioni ka qenë i suksesshëm dhe presidenti është nën kujdesin e vazhdueshëm të personelit mjekësor profesional.
Pas përfundimit të këtij intervenimi, presidenti Thaçi është shprehur mirënjohës për profesionalizmin dhe kujdesin e stafit profesional në Klinikën e Urologjisë dhe në tërë SHSKUK-në”, thuhet në njoftim. /Opinion.al
