Ministri për Evropën dhe Punët e Jashtme, Igli Hasani ka pritur në një takim Kryetarin e Komunës së Preshevës, Shqiprim Arifi dhe Kryetarin e Këshillit Kombëtar, Nevzad Lutfiu.
Këtë lajm e bëri të ditur vetë ministri Hasani, përmes një postimi në rrjete sociale ku shkruan se Shqipëria qëndron përkrah përfaqësuesve të subjekteve politike shqiptare të Luginës së Preshevës për të përmirësuar pozitën e shqiptarëve në Serbi.
Ai thekson se së bashku me kryetarin e komunës së Preshevës, shkëmbyen mendime konkrete për forcimin e mëtejshëm të këtij bashkëpunimi.
“Ne qëndrojmë përkrah përfaqësuesve të subjekteve politike shqiptare të Luginës së Preshevës për të përmirësuar pozitën e shqiptarëve në Serbi”./Opinion.al
Ministri për Evropën dhe Punët e Jashtme, @IgliHasani priti në një takim Kryetarin e Komunës së Preshevës, @arifishqiprim dhe Kryetarin e Këshillit Kombëtar, Nevzad Lutfiu.
Ministri Hasani theksoi mbështetjen e palëkundur dhe angazhimin e 🇦🇱 për shqiptarët e Luginës së… pic.twitter.com/fAgtXeGMpK
— Albanian MEFA 🇦🇱 (@AlbanianDiplo) November 6, 2023
