Ministri për Evropën dhe Punët e Jashtme, Igli Hasani shprehet se Shqipëria dënon ashpër sulmet e Iranit ndaj Izraelit dhe civilëve të tij.
Përmes një reagimi në rrjete sociale, ministri Hasani thekson se kjo situatë paraqet një përshkallëzim të konsiderueshëm duke rritur kërcënimin ndaj sigurisë rajonale.
“Shqipëria dënon ashpër sulmet e Iranit ndaj Izraelit dhe civilëve të tij. Kjo paraqet një përshkallëzim të konsiderueshëm, duke rritur kërcënimin ndaj sigurisë rajonale.
Shqipëria solidarizohet me popullin e Izraelit dhe të drejtën e tij për të jetuar në siguri. Ne ripërsërisim thirrjen tonë për de-përshkallëzimin e menjëhershëm”, shkruan Hasani./Opinion.al
