Ndryshe nga Lulzim Basha, kandidatja për kreun e PD, Edit Harshi thotë se në zgjedhjet e 25 prillit nuk ka pasur masakër elektorale, por tjetërsim dhe vjedhje votash.
Në një intervistë për “Abc News”, Harxhi thotë se opozita nuk mundi të fitonte besimin e qytetarëve dhe për këtë arsye numri i qytetarëve në votime ishte i ulët.
“Faktikisht sot janë hapur disa kuti për Durrësin dhe PD e LSI nuk kanë marrë më të mirën e tyre më të mundshme, madje mendoj se nuk ka qenë e udhës ta bënin këtë lëvizje. Masakër elektorale nuk ka pasur, ka pasur vjedhje dhe tjetërsim, por kjo ka ndodhur para 25 prillit. Urdhëro, provoje, cilat janë provat? Patronazhistët që dolën nga PS, është një skemë e përdorur në Maqedoni nga Gruevski në vitet e fundit të tij. PD në 25 prill mori po të njëjtin numër mandatash si në 2017, e dyta pjesëmarrja ka qenë 46% dhe PD nuk e ka rritur. Duhet të rritet pjesëmarrja në zgjedhje, por së pari duhet të rritet besimi, por opozita nuk ishte në gjendje të frymëzonte, nuk kishte frymëzuar askënd” tha Harxhi./Opinion.al
