Princ William ka folur për herë të parë për largimin e të vëllait dhe Meghan Markle nga mbretëria. Duka i Cambridge-it tha se ishte i trishtuar për vendimin e tyre por këtë herë nuk mund ta mbështeste të vëllain.
“Unë e kam mbështetur vëllain tim gjatë gjithë jetës, por nuk mund ta bëj këtë herë. Jam i trishtuar për këtë. Gjithë çfarë mund të bëjmë dhe gjithë çfarë unë mund të bëj është që të përpiqemi t’i mbështesim dhe të shpresojmë që të vijë dita kur të jemi të gjithë në një mendje. Dua që të gjithë të jemi të bashkuar,” tha ai për Sunday Times.
Ndërkaq, mbretëresha Elizabeth II do të organizojë nesër një takim në Norfolk, ku do të marrin pjesë të dy vëllezërit, princi Harry dhe William, i ati, princi Charles, dhe Meghan Markle, e cila ndodhet në Kanada, por mendohet se do të jetë e pranishme në takim përmes një video-telefonate.
Kujtojmë se Princ Harry dhe Dukesha Meghan Markle deklaruan se duan të shkëputen nga familja mbretërore duke qenë të pavarur ekonomikisht si dhe të vazhdojnë jetët e tyre mes Britanisë dhe SHBA-së. Gjithashtu ata u shprehën se duan heqin dorë nga titujt e tyre./Opinion.al
