Ministrja e Inovacionit, Milena Harito tha sot nga foltorja e parlamentit se Shqipëria ka avancuar përsa i përket rrjetit të telefonisë celulare. “Lëmë pas vende të zhvilluara të Eruopës, siç është Anglia përsa i përket shtrirjes së rrjetit 4 G”, tha ajo.
Harito foli edhe për tarfiat, duke thënë se janë ulur bindshëm. Bazuar në një raport ndërkombëtar, Shqipëria nga vendi i 116 në botë ka shkuar në vendin e 86 në botë përsa i përket tarifave celulare.
Më pas ajo akuzoi të djathtët se kur ishin në pushtet nuk kishin rregulla të barabarta loje për të gjitha kompaninë celulare, duke favorizuar disa prej tyre. Sipas saj, klima e favorshme bëri që të vijë në Shqipëri kompania Telekom, që bleu aksionet e AMC-së.
Ajo foli edhe për shërbimet online që mundëson administrata që nga njehësimi i diplomave e deri tek aplikimi për leje për punime në shtëpi.
