Ramush Haradinaj tha se taksa 100% i ka bërë bllok Serbisë si dhe ka forcuar Kosovën.
Në një intervistë televizive, Haradinaj foli për taksën ndaj Serbisë dhe për vendime të tjera të cilat sipas tij e kanë forcuar Kosovën si shtet. Kreu i AAK-së shprehu bindjen e tij se për këto vendime qeveria e Kosovës ka patur mbështetjen e popullit i cili për herë të parë sipas Haradinajt e kuptoi çdo të thotë ti bësh bllokadë ekonomike një vendi.
“Qytetari i Kosovës sigurisht për herë të parë e ka parë se si është kur shteti i bën Serbisë bllok, si rasti me taksën 100%, efektet e saj të shpejta, pastaj vendimi për Trepçën, sundimi i ligjit në veri, aty ku ka pasur ndërhyrje ndaj krimit të organizuar dhe shkelësve të ligjit” u shpreh Haradinaj.
Në zgjedhjet e parakohshme të 6 tetorit, Haradinaj është kandidat për kryeministër i koalicionit të partisë së tij AAK me PSD e Shpend Ahmetit. /Opinion.al
