Kryeministri kosovar, Ramush Haradinaj, nuk ka ndërmend të tërhiqet nga taksa 100 për qind që i ka vendosur mallrave serbë dhe boshnjakë, disa muaj më parë.
Këtë qëndrim Haradinaj e shprehu edhe sot në akademinë përkujtimore me rastin e 22 vjetorit të rënies së heronjve të kombit, Zahir Pajaziti, Edmond Hoxha dhe Hakif Zejnullahu.
Haradinaj tha se kjo taksë do të vazhdojë të mbetet në fuqi dëri në njohjen përfundimtare të Kosovës si shtet nga Serbia.
Haradinaj ka folur edhe se si po ndikon ky vendim në raportet midis Kosovës dhe SHBA-së
“Është mirë me qenë të sinqertë me Amerikën dhe Evropën. Kur e kemi pasë për vete e ju tutshim Speciales jemi mundu me e rrëzu. S’na nijke që amerikanët thoshin po na ngulni thikë pas shpine. Kur e kemi tani me nxjerrë njohjen, po thonë jo se e prishim partneritetin me SHBA-të”, theksoi Haradinaj.
Haradinaj gjithashtu tha gjithashtu se Serbia në këmbim të njohjes së Kosovës kishte kërkuar diçka, por se ai nuk është i gatshëm ta heqë taksën për njohje.
“Nuk ua jap tregun më Serbisë pa e marrë njohjen. Kjo nuk është kundër Amerikës, veç duhet t’ua shpjegojmë. Duam njohjen. Nuk japim tokë as nuk tolerojmë ‘Republika Srpska’ brenda Kosovës, por ua kthejmë tregun për njohje”,- përfundoi Haradinaj
