Kryetari i AAK-së, Ramush Haradinaj është i pakënaqur me rezultatin e zgjedhjeve të 9 shkurtit.
Në një konferencë për shtyp ai tha se do të reflektojë për rezultatin që ka marrë Aleanca.
“Edhe pse jemi në rezultate preliminare, 90 % të votave të numëruara, kanë mbetur edhe 10%, votat e diasporës, votat me kusht e pranoj që rezultati nuk është i mirë. Nuk jam i kënaqur me këtë rezultat. Do të reflektojmë, unë Aleanca me këtë rezultat që nuk i mirë”, tha Haradinaj.
Ai tha se ky rezultat nuk i është i mjaftueshëm për ta ndihmuar Kosovën.
“Ne do ta vazhdojmë këtë rrugëtim për t’i dhënë Kosovës qeverinë opozitare edhe në këtë rrethanë çfarë jemi. E vërteta është se opozita ka fituar shumicën e votave krahasuar me partinë në pushtete e cila pas katër viteve qeverisje nuk arriti të mbajë votat e veta.”, u shpreh ai.
Në të njëjtën kohë, Haradinaj përjashtoi mundësinë që të bëjë koalicion me Vetëvendosjen pas zgjedhjeve.
“Ne e shohim që në këtë politikë që e kam udhëheq si ndaj mashtruesit që e udhëheq Kosovën, pra qeverisë mashtruese, mendoj që është në nderin tim që të ndihmoj një qeveri të opozitës e asesi koalicion me VV-në”, tha Haradinaj.
