Kryeministri i Kosovës Ramush Haradinaj, është shprehur se nuk do të ketë takim kokë më kokë me delegacionin e Serbisë në Berlin më 29 prill.
Teksa thekson se është një nder që ky event kryesohet nga kancelarja gjermane Angela Merkel dhe presidenti Francez, Emanuel Macron, Haradinaj tha se nga ky takim nuk do të ketë pritshmëri të mëdha.
“Nuk është takim bilateral, por më i gjerë. Është nder për Kosovën, por unë nuk kam ndonjë parashikim për ndonjë marrëveshje potenciale”, tha Haradinaj.
Po ashtu, kryeministri i Kosovës foli dhe për ndikim në rus në Kosovë, duke thënë se është tentuar nxjerrja vendit nga “binarët”.
“Nuk ka tendencë të përfshirjes së Kosovës në procese që kanë dëshirë për të nxjerrë Kosovën nga binarët dhe ekziston edhe një agjendë e Rusisë për këtë”, tha kryeministri i Kosovës.
Haradinaj tha se gjatë takimit në Berlin do të diskutoj dhe për çështjen e liberalizimit të vizave për Kosovën./ Opinion.al E.Xh.
