Kryeministri në detyrë i Kosovës, Ramush Haradinaj, është shprehur se ka ndaluar skenarin e ndarjes së Kosovës nga treshja Thaçi-Vuçiç-Rama.
Haradinaj u shpreh gjatë një interviste televizive se; “I dinë të gjithë më mirë se unë. Është kryeministri i Shqipërisë, presidenti Thaçi, presidenti Vuçiç dhe shumë të tjerë. Është dhe ministri i Jashtëm Cakaj që ushtron detyrën, i cili po copëton vendin e vet të origjinës, diçka që është e dhimbshme.
Pjesë nga Intervista:
Ramush Haradinaj: Skenari ka qenë kështu. Vuçiç shkon në zgjedhje në pranverë të vitit që vjen, në mars ose prill. I është dashur para zgjedhjeve të ketë një fitore me Kosovën. Aty ka qenë e përfshirë dhe një lidership rajonal dhe kësisoj unë kam qenë pengesa. Atij i duhet të kishte një fitore, që e ka kthyer tregun e Kosovës. I ka disiplinuar ata të UÇK-së në Kosovë. Atij i shkruhet suksesi nëse gjykata na disiplinon neve të gjithëve dhe ka marrë një pjesë të territorit të Kosovës. Në të gjitha këto unë ja kam hedhur në ujë edhe atij edhe aleatëve rajonal edhe aleatëve të tij ndërkombëtar. Në momentin kur ata kanë besuar që unë do të dorëzohem, unë iu dorëzova popullit tim duke i dorëzuar mandati. Ia kam çrregulluar atë infrastrukturë të krijuar më herët disa vjeçare dhe e kam nxjerrë vendimmarrjen në një situatë të pakontrollueshme të paktën prej tij. Ata që kanë marrë pjesë në këtë koncept të hapjes së kufijve, të gjithë ata që keni dëgjuar nuk më kanë pëlqyer.
Artur Zheji: Kush janë këta?
Ramush Haradinaj: I dinë të gjithë më mirë se unë. Është kryeministri i Shqipërisë, presidenti Thaçi, presidenti Vuçiç dhe shumë të tjerë. Është dhe ministri i Jashtëm Cakaj që ushtron detyrën, i cili po copëton vendin e vet të origjinës, diçka që është e dhimbshme./ Opinion.al E.Xh.
