Vendosja e taksës ndaj mallrave të Serbisë, ka ngjallur debat në politikën kosovare.
Zëvendëskryeministri i Kosovës Fatmir Limaj, është shprehur se ky vendim e ka arritur qëllimin e tij dhe se ka ardhur koha që Kosova të nis bisedimet me Serbinë.
Sipas tij, pas vendosjes së taksës Serbia duket më e gatshme për të biseduar më Kosovën dhe për të arritur një marrëveshje mes dy shteteve.
Limaj tha se kryeministri Ramush Haradinaj me kërkesën që Serbia ta njohë Kosovën nëse duan që të hiqet taksa, ka shkuar përtej vendimit të përbashkët për vendosjen e taksës.
Ai është shprehur i bindur se shumë shpejtë Kosova dhe Serbia do të kenë një dialog me tyre.
“Ka ardhur një moment kur vendimet politike si vendosja e taksës i ka shkund zyrtarët serb, e kanë parë që ne e kemi shumë seriozisht dhe ndoshta këto kanë qenë sinjale nga Serbia që janë të gatshëm të fillojnë e ta respektojnë këtë shtet.
Vendimet politike nuk janë të përjetshme, ka arrit qëllimin e vetë, nëse ki arritur në stazën ku keni dashur të shkoni atëherë duhet të ulesh e t’i diskutosh.
“Natyrisht rrugës e sipër kryeministri ka shkuar një hap më tutje. Ka ec më tej qëndrimit të përbashkët. E ka dërguar taksën deri te njohja. Të gjithë do të donim ashtu, por realisht e dimë të gjithë që herët a vonë do duhet të kemi një dialog me Serbinë”,-tha Limaj./ Opinion.al E.Xh.
